by
  • 7000-2266 manager@mastermind.mn
  • mn
2018/10/30

ОЙ ТОГТООЛТЫН УЛИРЛЫН АВАРГА-AUTUMN 2018 ТЭМЦЭЭНИЙ ДҮН ГАРЛАА

Ой тогтоолтын улирлын аварга-AUTUMN 2018 тэмцээний дүн гарлаа

Монголын Оюун Ухааны Академиас санаачлан зохион байгуулж буй ой тогтоолтын улирлын аварга шалгаруулах тэмцээн амжилттай болж өндөрлөлөө. Тус тэмцээнд ой тогтоолтын спортыг сонирхон хичээллэдэг тамирчдад бие биенээсээ суралцах, бахархах боломж олгох, сэтгэхүйн хурд, авьяас чадварыг нээн илрүүлэх мөн олон улсын түвшинд өрсөлдөхүйц хэмжээний тамирчдыг тодруулж, ирээдүйд улс орныхоо нэрийг дэлхийн тавцанд гарган алдаршуулах зорилгоор тус тэмцээнийг улирал бүр зохион байгуулдаг болоод байгаа билээ.

Энэ удаагийн тэмцээнд Монголын Оюун Ухааны Академийн Улаанбаатар хот болон орон нутгийн салбаруудаас нийт 70 тамирчин бага, дунд, насанд хүрэгчдийн ангилалд харааны болон сонсголын ой тогтолтын 10 төрлөөр өрсөлдсөн юм.

Тэмцээний төгсгөлд бага насны ангилалд Д.Мөнхтүшиг (2941 оноо), өсвөр насны ангилалд ОУ-ын Их Мастер Э.Лхагвадулам (7248 оноо), насанд хүрэгчдийн ангилалд ОУ-ын Их Мастер Э.Пүрэвжав (6394 оноо) нар тут тус тэргүүлсэн бол нийт оролцсон тамирчдаас нийлбэр оноогоор тэргүүлэн Улирлын аваргаар ОУ-ын Их Мастер, Өсвөрийн дэлхийн аварга Э.Лхагвадулам (7248 оноо) дараалласан гурван улирлын аварга болоод байна.

Ингээд нас насны ангилалд эхний гурван байрт орсон тамирчдыг танилцуулъя.

Бага нас
1. Д.Мөнхтүшиг – 2941 оноо
2. Б.Эрмүүнболд – 2750 оноо
3. О.Ганжигүүр – 2741 оноо

Өсвөр нас
1. Э.Лхагвадулам – 7248 оноо
2. М.Уянга – 6138 оноо
3. А.Одмаа – 5645 оноо

Насанд хүрэгч
1. Э.Пүрэвжав – 6394 оноо
2. Г.Солонго – 4595 оноо
3. Э.Буян-Ундрах – 1475 оноо

Та бүхэн тамирчдын чансааны мэдээлэлийг харахыг хүсвэл http://memorysport.mn сайтруу орж үзээрэй.

ОЙ ТОГТООЛТЫН УЛСЫН АВАРГА ТОДОРЛОО

Монголын Оюун Ухааны Академиас 9 дэх жилдээ санаачлан зохион байгуулж буй Ой тогтоолтын улсын аварга шалгаруулах оюуны спортын тэмцээн өнгөрсөн долоо хоногт буюу энэ сарын 5, 6-ны өдрүүдэд Корпорейт Хотел энд Конвеншн Центрт амжилттай явагдаж шилдгүүдээ тодрууллаа. Тэмцээнд Улаанбаатар хот болон Дархан-Уул, Орхон, Хөвсгөл, Сэлэнгэ (Зүүнхараа) аймгийн шилдэг 108 тамирчин хараа, сонсголын ой тогтоолтыг шалгасан […]

Дэлгэрэнгүй
HUMAN CALCULATOR-WINTER 2019 ТҮРГЭН БОДОЛТЫН УЛИРЛЫН АВАРГА ШАЛГАРУУЛАХ ТЭМЦЭЭН АМЖИЛТТАЙ БОЛЖ ӨНГӨРЛӨӨ

2019 оны 01-р сарын 25-ны өдрийн 09:00-11:30 цагт Монгол-Япон төвийн байранд Монголын Оюун Ухааны Академийн Хуруундай түргэн бодолтын гүнзгий түвшний суралцагчдын дунд зохион байгууллагддаг HUMAN CALCULATOR-WINTER 2019 түргэн бодолтын улирлын аварга шалгаруулах тэмцээн амжилттай болж өндөрлөлөө. Тус тэмцээнд Улаанбаатар хотын үндсэн болон гэрээт 5 салбарын гүнзгий түвшний нийт 70 гаруй суралцагч оролцсон бөгөөд авьяас чадвар, […]

Дэлгэрэнгүй
ДЭЛХИЙН АВАРГЫН ТЭМЦЭЭНЭЭС БАГААРАА ХҮРЭЛ МЕДАЛЬ ХҮРТЛЭЭ

БНХАУ-ын засаг захиргааны онцгой бүс Хонг Конгд 27 дахь удаагийн Ой тогтоолтын дэлхийн аварга шалгаруулах тэмцээн өнгөрсөн Пүрэв гарагт эхэлсэн ба 21 орны 260 гаруй тамирчид 3 өдрийн турш оюуны гал гарсан өрсөлдөөнийг үзүүлж шилдгүүдээ тодрууллаа. Манай улсыг төлөөлөн 22 тамирчин хоёр дасгалжуулагчийн хамт амжилттай оролцон 60 медалиас 4 алт, 3 мөнгө, 11 хүрэл буюу […]

Дэлгэрэнгүй
© Copyright 2019. All rights reserved